Մարտ 2014-ի` Քահանայապետական աղօթքի դիտաւորութիւնները։
Քահանայապետական աղօթքի դիտաւորութիւնները որ ընդհանրապէս ստորաբաժանուած են ''ընդհանրական
եւ միսիոնարական'' աղօթքի դիտաւորութիւններու, 2014-էն սկսեալ կը ստանձնեն ''տիեզերական''
եւ ''աւետարանացումի'' խորագիր կրող աղօթքի դիտաւորութիւններ, շեշտը դնելու համար աղօթքի
կարեւորութեան եւ վերարծարծելու 2012-ի նոր աւետարանութեան մասին տեղի ունեցած սիւնհոդոսի
կարեւորութիւնը։ 2014-ի Մարտ ամսուայ որպէս աղօթքի դիտաւորութիւն ընտրուած է. Որպէս
''Տիեզերական'' աղօթքի դիտաւորութիւն` ''Որպէսզի բոլոր մշակոյթներու մէջ յարգուին կիներու
արժանապատուութիւնն ու անոնց իրաւունքները''։ Իսկ որպէս ''աւետարանութեան'' դիտաւորութիւն`
''Որպէսզի բազմաթիւ երիտասարդներ համապատասխանեն Տիրոջ կոչին, իրենց կեանքը նուիրագործելու
Աւետարանի հռչակումին ի խնդիր։